ਗੀਤ
ਆ ਅਰਸ਼ਾਂ ਦੀ ਪਰੀਏ ਨੀਂ
ਆ ਰੱਜ ਕੇ ਗੱਲਾਂ ਕਰੀਏ ਨੀਂ
ਇਹ ਦੁਨੀਆਂ ਇੱਕ ਮੇਲਾ ਹੈ
ਇਥੇ ਹਰ ਇੱਕ ਦਾ ਨਵਾਂ ਝਮੇਲਾ ਹੈ
ਮੁਹੱਬਤਾਂ ਕਰੀਏ ਤਾਂ ਕਰੀਏ
ਨਾ ਲੋਕਾਂ ਕੋਲੋਂ ਡਰੀਏ ਨੀਂ
ਜੇ ਖੁਸ਼ਬੂ ਤੇਰੀ ਛੋਹ ਜਾਵੇ
ਮੇਰੀ ਬੱਲੇ ਬੱਲੇ ਹੋ ਜਾਵੇ
ਹਾਏ ਦੂਰ ਦੂਰੀਆਂ ਕਰੀਏ
ਆ ਹੱਥਾਂ ਵਿੱਚ ਹੱਥ ਫੜੀਏ ਨੀਂ
ਗਾਵਾਂ ਗੀਤ ਜੇ ਤੇਰੇ ਪਿਆਰ ਦੇ
ਭੈੜੇ ਲੋਕੀਂ ਤਾਹਨੇ (ਬੜੇ) ਮਾਰਦੇ
ਇੱਕ ਦੂਜੇ ਲਈ ਹਾਮੀ ਭਰੀਏ
ਨਾ ਲੋਕਾਂ ਕੋਲੋਂ ਡਰੀਏ ਨੀਂ
ਇੱਕ ਗੱਲ ਮੇਰੀ ਮੰਨੀਂ ਜਰੂਰ ਤੂੰ
ਨਾ ਤੋੜੀਂ ਮੇਰੀ ਪੱਗ ਦਾ ਗਰੂਰ ਤੂੰ
ਬੇਬੇ ਦੇ ਚਰਨੀਂ ਸਿਰ ਧਰੀਏ
ਆ ਉਂਗਲ ਬਾਪੂ ਦੀ ਫੜੀਏ ਨੀਂ
ਜੇ ਖੁਸ਼ਬੂ ਤੇਰੀ ਛੋਹ ਜਾਵੇ
ਫਿਰ ਸ਼ਰਨੀਂ ਸ਼ਰਨੀਂ ਹੋ ਜਾਵੇ
ਫਿਰ ਸੇਖੋਂ ਸੇਖੋਂ ਹੋ ਜਾਵੇ
ਹਾਏ ਦੂਰ ਦੂਰੀਆਂ ਕਰੀਏ
ਆ ਹੱਥਾਂ ਵਿੱਚ ਹੱਥ ਫੜੀਏ ਨੀ..
ਆ ਅਰਸ਼ਾਂ ਦੀ ਪਰੀਏ ਨੀਂ
ਆ ਰੱਜ ਕੇ ਗੱਲਾਂ ਕਰੀਏ ਨੀਂ
- ਧਰਮਿੰਦਰ ਸੇਖੋਂ ਬੋੜਾਵਾਲ
+919876261775
No comments:
Post a Comment