ਭਟਕੇ ਗੀਤਾਂ ਨੇ ਚੱਲ ਕੇ
ਵਾਪਸ ਘਰ ਨੂੰ ਆਉਣਾ ਹੈ
ਜ਼ਰਾ ਕੁ ਰੱਤ ਜ਼ਰਾ ਕੁ ਹੰਝੂ
ਦਿਓ ਸਰਦਲਾਂ ਨੂੰ ਧੋਣਾ ਹੈ
ਧਰੋ ਗੀਤਾਂ ਦੇ ਮੱਥੇ
ਸ਼ਬਦਾਂ ਦੀਆਂ ਪੱਟੀਆਂ
ਗੀਤਾਂ ਨੂੰ ਚੜਿਆ ਤਾਪ
ਅਰਥਾਂ ਨੇ ਅੱਜ ਲਉਣਾ ਹੈ
ਨਾ ਜਾਵੋ ਨਾ ਜਾਵੋ
ਵਿਲਕੇ ਲਫਜ ਬਥੇਰੇ ਰਾਤੀਂ
ਗੀਤ ਬਰੂਹਾਂ ਟੱਪ ਗਏ
ਉਨ੍ਹਾਂ ਮੁੜਕੇ ਕਦ ਆਉਣਾ ਹੈ
ਮੈਂ ਸੱਜਣ ਤੇਰੇ ਪੈਰਾਂ ਥੱਲੇ
ਵਿਛਿਆ ਤੱਤਾ ਰੇਤਾ
ਫਿਤਰਤ ਮੇਰਾ ਤਪਣਾ ਤਪਾਉਣਾ
ਗੱਲੀਂ ਠੰਡਕ ਪਾਉਣਾ ਹੈ
ਪੱਛਮ ਦੀਆਂ ਹਨੇਰੀਆਂ
ਪੂਰਬ 'ਨੇਰਾ ਕੀਤਾ ਹੈ
ਗੀਤਾਂ ਦੀ ਕੋਈ ਕੰਧ ਉਸਾਰੋ
ਪੂਰਬ ਨੂੰ ਰੁਸ਼ਨਾਉਣਾ ਹੈ..
-----0---0-----
ਧਰਮਿੰਦਰ ਸੇਖੋਂ
ਮੇਰੇ ਇਸ ਬਲਾਗ ਵਿੱਚ ਮੈਂ ਆਪਣੀਆਂ ਕੁੱਝ ਕੁ ਕਵਿਤਾਵਾਂ ਲੈ ਕੇ ਹਾਜਰ ਹਾਂ, ਇੰਟਰਨੈੱਟ ਤੇ ਪੰਜਾਬੀ ਨੂੰ ਪ੍ਰਫੁੱਲਤ ਕਰਨ ਵਾਲੇ ਸਾਰੇ ਦੋਸਤਾਂ ਦੀ ਕਚਿਹਰੀ 'ਚ.... ਆਸ ਹੈ ਰਾਇ ਦੇਣ ਲਈ ਵਕਤ ਕੱਢੋਗੇ... -ਧਰਮਿੰਦਰ ਸੇਖੋਂ (ਬੋੜਾਵਾਲ, ਮਾਨਸਾ) +91 89680 66775
ਸਭ ਤੋਂ ਪਹਿਲਾਂ ਤਾਂ ਬਹੁਤ-ਬਹੁਤ ਧੰਨਵਾਦ ,
ReplyDeleteਆਪ ਨੇ ਆਵਦੇ ਕੀਮਤੀ ਸਮੇਂ 'ਚੋਂ ਸਮਾਂ ਕੱਢ ' ਪੰਜਾਬੀ ਵਿਹੜੇ' ਦੀ ਰੌਣਕ ਵਧਾਈ । ਆਪ ਜਿਹੇ ਸੱਜਣਾਂ ਨਾਲ਼ ਹੀ ਸਾਡੇ ਵਿਹੜੇ ਨੂੰ ਭਾਗ ਲੱਗਦੇ ਨੇ।
ਗੀਤਾਂ ਨੇ ਮੁੜ ਕੇ ਆਉਣਾ ....
ਬਹੁਤ ਹੀ ਖੂਬਸੂਰਤ ਕਵਿਤਾ ........
ਅੱਖਰ-ਅੱਖਰ ਬੋਲਦਾ ਹੈ।
ਜੇ ਆਖਰੀ ਸਤਰਾਂ ਨੂੰ ਕੁਝ ਏਸ ਤਰਾਂ ਕਹਿ ਲਿਆ ਜਾਵੇ....
ਗੀਤਾਂ ਦੇ ਹੁਣ ਦੀਵੇ ਬਾਲ਼ੋ
ਪੂਰਬ ਨੂੰ ਰੁਸ਼ਨਾਉਣਾ ਹੈ....
ਆਪ ਦਾ ਇੱਕ ਵਾਰੀ ਫੇਰ ਤੋਂ ਧੰਨਵਾਦ ਕਰਦਾ ਹੋਇਆ...
ਪੰਜਾਬੀ ਵਿਹੜਾ
(ਹਰਦੀਪ )