Friday, April 23, 2010

ਮਨਮੋਹਨ ਦਾ ਚਚੇਰਾ ਭਰਾ ਓਬਾਮਾ

ਅੱਜ
ਇੱਕ ਭੇਤ ਖੁਲਿਆ
ਸਦੀਆਂ ਤੋਂ
ਹਵਾਵਾਂ 'ਚ ਰਲਿਆ

ਮੇਰੇ ਹੀ ਪਿੰਡ ਦੇ ਬੰਦੇ
ਕੁੱਝ ਮਾੜੇ ਕੁੱਝ ਚੰਗੇ
ਮੇਰੇ ਹੀ ਨੇ ਚਾਚੇ ਤਾਏ
ਭੈਣ ਭਰਾ
ਪਤਾ ਚੱਲਿਆ
ਬੰਸਾਬਲੀ ਦੇਖਦਿਆਂ

ਬੁਸ਼ ਬੰਸਾ ਤੇ ਬਸ਼ਰਦੀਨ
ਓਬਾਮਾ ਓਸਾਮਾ ਓਮੀ ਤੇ ਉਮਰਦੀਨ
ਕਿਤੇ ਤਾਂ ਤਾਰ ਇਨ੍ਹਾਂ ਦੀ
ਜੁੜਦੀ ਹੋਊ ਮਹੀਂਨ

ਹਜਾਰਾਂ 'ਚੋਂ ਸੌ
ਸੌ ਵਿੱਚੋਂ ਵੀਹ ਪੰਜਾਹ
ਅੱਗੇ ਦੋ ਤਿੰਨ
ਤਾਂ ਹੀ ਤਾਂ
ਹੱਥ ਪੈਰ ਲਹੂ ਮਿੱਝ
ਇੰਨ ਬਿੰਨ

ਇੱਕ ਦੋ ਤਿੰਨ
ਵਧਦੇ ਖਿੰਡਦੇ
ਬਣ ਗਏ
ਗੋਰੇ ਕਾਲੇ
ਹਿੰਦੂ ਸਿੱਖ ਇਸਾਈ
ਜਾਂਤਾਂ ਥਾਵਾਂ
ਸੱਭਿਆਤਾਵਾਂ
ਭਿੰਨ ਭਿੰਨ

ਆਓ
ਬੰਸਾਵਲੀ ਦੇਖੀਏ
ਦੇਈਏ ਦੂਰੀਆਂ ਮਿਟਾ

ਜੇਕਰ ਪਤਾ ਚੱਲਜੇ
ਕਰਜ਼ਈ ਤੇ ਓਬਾਮਾ
ਮਨਮੋਹਨ ਦੇ ਨੇ ਚਚੇਰੇ ਭਰਾ
----0---0---

No comments:

Post a Comment